بحرین کی جیلوں میں قیدی خواتین موذی وبا کا شکار ہونے لگیں

بحرین کی جیلوں میں بھی کورونا وائرس پھیل گیا، مختلف جرائم میں ملوث قیدی خواتین اس موذی وبا کا شکار ہوگئی ہیں، قیدیوں کو ماسک اور سینیٹائزر فراہم کیے جارہے ہیں۔
بحرینی وزارت داخلہ نے کہا ہے کہ ویزوں کی خلاف ورزیوں کے الزام میں قید چند غیر ملکی خواتین کو کورونا لاحق ہو گیا ہے، جن کی مناسب طریقے سے دیکھ بھال کی جارہی ہے۔
بحرین میڈیا کے مطابق بحرینی وزارت داخلہ نے کہا ہے کہ کوروناوائرس کی شکار قیدی خواتین کو طبی سہولتیں فراہم کرنے کے لیے مناسب انتظام کیا گیا ہے۔
جیل میں کورونا کے انسداد کے لیے حفاظتی تدابیر اختیار کی گئی ہیں جبکہ وائرس کی شکار قیدیوں کو علیحدہ کر دیا گیا ہے۔
واضح رہے کہ بحرین میں 85 ہزار 705 افراد کو کورونا لاحق ہوا ہے جبکہ 338 افراد وبا کے باعث ہلاک ہوئے ہیں۔

تبصرے
Loading...