جنوبی افریقا سے سیریز میں ایکشن میں نظر آؤں گا: بابراعظم

0

پاکستان کرکٹ ٹیم کے کپتان بابر اعظم کا کہنا ہے کہ جنوبی افریقا کے خلاف سیریز میں ایکشن میں نظر آؤں گا۔

نیشنل ہائی پرفارمنس سینٹر لاہور میں ٹریننگ کے موقع پر میڈیا سے گفتگو میں بابر اعظم نے کہا کہ دو دن سے پریکٹس کر رہا ہوں، اب انگوٹھے میں تکلیف نہیں ہے۔

انہوں نے کہا کہ جنوبی افریقا کے خلاف میں ایکشن میں ہوں گا، پرجوش ہوں کہ اتنے عرصے کے بعد افریقا کی ٹیم پاکستان آرہی ہے لیکن کراؤڈ کو مس کریں گے، امید ہے وہ گھروں میں بیٹھ کر اسپورٹ کریں گے۔

بابراعظم کا کہنا تھا کہ ٹیم سے باہر کے تین ہفتے میرے لئے مشکل تھے اور ہارتا دیکھنا تکلیف دہ تھا ٹیم کو میری ضرورت تھی لیکن انجری کھیل کا حصہ ہے۔

قومی کپتان نے کہا کہ جنوبی افریقا کے خلاف پازیٹو جائیں گے، ایک سیریز میں خراب کارکردگی کے باوجود کھلاڑیوں کو بیک کرنا چاہیے، سلیکشن کمیٹی کے ساتھ بیٹھ کر کمبینیشن پر بات کریں گے، ٹیم بنانے کے لئی کھلاڑیوں کو تسلسل کے ساتھ موقع دینا پڑتا ہے۔

ان کا کہنا تھا کہ نیوزی لینڈ میں قرنطینہ کے دن مشکل تھے اس کے سائیڈ ایفیکٹس ہوتے ہیں وہاں مشکل صورتحال کا سامنا تھا۔

بابر اعظم نے کہا کہ محمد حفیظ سینئر کھلاڑی ہیں وہ غیر معمولی کھیل رہے ہیں، ٹیسٹ میں کھلانے کی بات نہیں ہوئی تھی۔

انہوں نے مزید کہا کہ ٹیلنٹ پاکستان میں بہت ہے، عبداللہ شفیق مجھے پسند ہے،نوجوان کھلاڑی جتنا انٹرنیشنل کھیلیں گے اتنا فائدہ ہوگا۔

ان کا کہنا تھا کہ محمد عامر کو ایک سیریز میں ریسٹ دیا گیا ، ان کی پرفارمنس پہلے جیسی نہیں رہی تھی اب اگر ان کی پرفارمنس بہتر ہوئی سلیکٹرز ضرور دیکھیں گے جب کہ فہیم اشرف بہتری لائے ہیں، نسیم شاہ کو مشکل ہوئی لیکن ہر سیریز میں سب کھلاڑی نہیں پرفارم کرتے، مجھے بولنگ پر تشویش نہیں اپنے بولروں پر بھروسہ ہے۔

تبصرے
Loading...