غیر ملکیوں کی سہولت, فائنل ایگزٹ کے لیے ورک پرمٹ سے متعلق سعودی حکام کا بیان جاری

0

سعودی حکومت نے غیر ملکیوں کی سہولت کی خاطر فائنل ایگزٹ کے لیے ورک پرمٹ آن لائن نکلوانے کا طریقہ بتا دیا، غیرملکی کارکن کو بذات خود دفتر میں پیش ہونا ہوگا۔

سعودی وزارت افرادی قوت و سماجی بہبود کے ترجمان نے خروج نہائی (فائنل ایگزٹ) ویزا نکلوانے کے لیے ورک پرمٹ کے آن لائن اجرا کا طریقہ کار جاری کیا ہے۔

ترجمان وزارت افرادی قوت نے اپنے سرکاری اکاؤنٹ پر جاری ایک بیان میں کہا ہے کہ اگر کسی غیرملکی ملازم کا ورک پرمٹ ختم ہوگیا ہو اور اس کا ادارہ اسے فائنل ایگزٹ پر وطن واپس بھیجنا چاہتا ہو تو ایسی صورت میں ورک پرمٹ جاری کرایا جا سکتا ہے۔

ترجمان کا کہنا ہے کہ ایسے کارکنان کا ورک پرمٹ بھی جاری ہو سکتا ہے جنہیں خروج نہائی پر بھیجا جا رہا ہو اور ان کا ورک پرمٹ بنا ہی نہ ہو۔

وزارت افرادی قوت کے ترجمان نے اپنے بیان میں آن لائن خروج نہائی ویزا نکلوانے کے لیے ورک پرمٹ جاری کرانے کے طریقہ کار کی وضاحت بھی کی ہے۔

اس طریقہ کار کے مطابق خواہشمند افراد آن لائن سروس ویب سائٹ وزٹ کا کریں، ادارے کا انتخاب کریں اس کے بعد خروج نہائی کی غرض سے ورک پرمٹ کے اجرا والے خانے کا انتخاب کریں۔

اگر آپ ورک پرمٹ کا اجرا چاہتے ہوں تو (یس) کو دبائیں پھر مطلوبہ کارکن کا نام درج کریں، اس کے بعد پُش کریں۔
جس ملازم کو خروج نہائی پر بھیجا ہو اس کا انتخاب کریں (اصدار) اجرا پر پُش کریں اس کے بعد مطلوبہ رقم کا نمبر سامنے آئے گا اور ادائیگی کا نمبر بھی نظر آئے گا۔

ترجمان کا کہنا ہے کہ محکمہ پاسپورٹ جانے سے قبل مطلوبہ فیس ادا کر دیں۔ فیس ادا کرنے کے بعد خروج نہائی ویزے کے اجرا کے لیے جوازات جائیں۔

اس کے علاوہ سعودی وزارت افرادی قوت نے لیبر آفس کے ذریعے خروج نہائی نکلوانے کے لیے ورک پرمٹ کے اجرا کا کا طریقہ بھی بیان کیا ہے۔

اس طریقہ کار کے مطابق پہلے لیبر آفس جائیں وہاں خروج نہائی نکلوانے کے لیے ورک پرمٹ نکلوانے کی درخواست دیں۔ لیبر آفس کا اہلکار پیش کردہ دستاویزات چیک کرے گا اور مطلوبہ فیس کی ادائیگی کے لیے آپ کو نمبر جاری کرے گا اور آپ کی درخواست وزارت داخلہ بھیج دے گا۔

ترجمان نے کہا کہ جوازات جانے سے قبل مطلوبہ فیس ادا کرنا ہوگی، فیس ادا کرکے پھر جوازات جائیں اور وہاں سے خروج نہائی ویزا جاری کروالیں۔

وزارت افرادی قوت نے اس سہولت سے فائدہ اٹھانے کے ضابطے مقرر کیے ہیں۔ غیرملکی ملازم ڈیوٹی پر ہو اور اس کا ورک پرمٹ یا اقامہ ختم ہوگیا ہو۔غیرملکی ملازم نطاق والے نظام میں شامل ہو۔

وزارت افرادی قوت و سماجی بہبود نے اس سہولت سے استفادے کے لیے نجی ادارے کی بابت شرائط مقرر کی ہیں۔ کوئی بھی نجی ادارہ وہ کسی بھی نطاق والا ہو اس سہولت سے فائدہ اٹھا سکتا ہے۔

ایسے کسی بھی ادارے کو اپنے ملازم کے لیے خروج نہائی کا ویزا جاری کرانے کے لیے ورک پرمٹ کے اجرا کی اجازت اس وقت تک نہیں ہوگی جب تک کہ غیرملکی کے اقامے کی تاریخ ختم ہونے پر30 دن نہ گزر جائیں یا نئے ملازم کی آمد پر 120روز کا عرصہ نہ گزر چکا ہو۔

وزارت افرادی قوت کا کہنا ہے کہ غیرملکی کارکن بذات خود لیبر آفس سے رجوع کرکے خروج نہائی ورک پرمٹ جاری کرا سکتا ہے۔

وزارت کا کہنا ہے کہ غیرملکی کارکن کو سعودی عرب میں داخل ہونے والے کمپیوٹر نمبر کی بنیاد پر خروج نہائی مل سکتا ہے بشرطیکہ مملکت آمد پر نوے دن سے زیادہ ہو چکے ہوں۔

محکمہ پاسپورٹ کے اہلکار ایسی صورت میں اسے اقامہ نمبر اور خروج نہائی دونوں بیک وقت جاری کر سکتے ہیں۔

تبصرے
Loading...