انصاف ہو تو ایسا۔۔۔ خیبر پختونخوا میں تحریک انصاف کے نامزد کردہ سینٹ ٹکٹ ہولڈر پاناما اشتہاری نکلے

اسلام آباد(مانیٹرنگ ڈیسک)معروف صحافی سلیم صافی نے ٹویٹر پر لکھا ہے کہ انصاف ہو تو ایسا،پختونخوا سے عمران خان کے سینیٹ کے تین ٹکٹ ہولڈرز لیاقت ترکئی،فیصل سلیم اور ذیشان خانزادہ ایک کاروبار سے وابستہ ہیں۔تینوں کھرب پتی ہیں۔لیاقت ترکئی کا نام پاناما اکائونٹسوالوں میں بھی شامل ہے۔نواز شریف کے پاناما اکائونٹس حرام اور پی ٹی آئی کے حلال یہ ہے ریاست مدینہ۔بات تو سچ ہے مگر بات ہے رسوائی کی،پاناما کیس کو لے کر جس قدر اس وقت کے وزیراعظم نواز شریف کی بھد اڑائی گئی تھی آج اگر پی ٹی آئی کے یوٹرن خاص طور پر وزیراعظم عمران

خان کے وعدوں سے پیچھے ہٹنے اور نعروں کی مخالفت میں فیصلے دینے پر غور کیا جائے تو سابق حکمران ان کے سامنے ہیچ نظر آتے ہیں۔اس بار سینیٹ کی ٹکٹوں میں پی ٹی آئی کے سرکردہ لوگوں نے جس طرح سے میرٹ کو سائیڈ پر کر کے اپنے سہولت کاروں یا پھر یوں کہیے کہ فنانسرز کو آگے کیا ہے اس کی مثال نہیں ملتی۔دوسری جانب میٹرک پاس رکن اسمبلی کو خیبر پختونخوا کا وزیر قانون بنا دیا گیا۔ میڈیا رپورٹس کے مطابق خیبر پختونخوا میں صوبائی وزیر بلدیات اکبر ایوب خان کو محکمہ قانون کا بھی قلمدان تفویض کیا گیا ہے ۔ وزیر قانون سلطان محمد کے استعفے کے بعداکبر ایوب کو محکمہ قانون کا اضافی چارج دیا گیا۔یاد رہے کہ خیبرپختونخوا کے وزیر قانون سلطان محمد خان ویڈیو سکینڈل کے بعد مستعفی ہوئے تھے ۔ گزشتہ برس ضیا اللہ بنگش کی جگہ اکبر ایوب کو وزیر تعلیم بنایا گیا تھا۔ تعلیمی قابلیت میٹرک ہونے پر اکبر ایوب پر سوشل میڈیا پر تنقید بھی ہوئی تھی ۔تنقید کے بعد اکبر ایوب کو وزارت تعلیم سے ہٹا کر وزارت بلدیات کا قلمدان سونپا گیا تھا۔اب انہیں محکمہ قانون کا اضافی چارج دیدیا گیاہے

تبصرے
Loading...