یہ ہےنیا پاکستان : سعودی ولی عہد کو دورہ پاکستان کے دوران کہاں قیام کرایا جائے گا ؟ عمران خان کے فیصلے نے پوری قوم کے سر فخر سے بلندہوگئے

اسلام آباد (نیوز ڈیسک) سعودی ولی عہد محمد بن سلمان16 فروری کو پاکستان کا دورہ کریں گے۔ سعودی ولی عہد محمد بن سلمان دورہ پاکستان کے دوران پاکستانی قوم سے خطاب بھی کریں گے۔ سعودی ولی عہد محمد بن سلمان دو روزہ دورہ پاکستان کے دوران پاکستان کی تاریخ کی سب سے بڑیسرمایہ کاری کا اعلان بھی کریں گے ۔سعودی ولی عہد محمد بن سلمان کے دورہ پاکستان کے پیش نظر ایڈوانس سکیورٹی ٹیم پاکستان پہنچ گئی ہے۔حکام نے اسلام آباد میں مختلف مقامات کا دورہ

کیا ہے اور سیکورٹی کا جائزہ بھی لیا ہے۔میڈیا رپورٹس میں امکان ظاہر کیا جا رہا ہےکہ سعودی ولی عہد دورہ پاکستان کے دوران وزیراعظم ہاؤس میں رہائش اختیار کریں گے۔ جبکہ سعودی وفد کے ارکان اسلام آباد کے نجی ہوٹلوں میں قیام کریں گے۔اس کے لیے وفاقی دارالحکومت اسلام آباد کے دو بڑے ہوٹل مکمل اور دو ہوٹل جُزوی طور پر بُک کر لئے گئے ہیں۔سعودی سفیر کے مطابق شہزادہ محمد بن سلمان 2 روزہ دورے پر 16 فروری کو پاکستان پہنچیں گے۔

محمد بن سلمان کی سکیورٹی ٹیم نے اسلام آباد کے مختلف علاقوں کا دورہ کیا ۔ محمد بن سلمان کے زیر استعمال فرنیچر اور دوسرے سامان کے 2 ٹرک بھی پاکستان پہنچ گئے ہیں ۔سعودی ولی عہد کو اس دورے کی دعوت وزیراعظم عمران خان نے دی تھی۔ دوسری جانب وفاقی حکومت نے سعودی ولی عہد شہزادہ محمد بن سلمان کی پاکستان آمد سے متعلق تیاریوں کا آغاز کر دیا ہے۔ سعودی ولی عہد محمد بن سلمان کے دورہ پاکستان میں دونوں ممالک کے مابین دوطرفہ تعلقات کو مزید فروغ دیا جائے گا۔ اس دورے کے دوران تاریخی معاہدوں کو حتمی شکل دی جائے گی۔ سعودی ولی عہد کے دورہ پاکستان میں ممکنہ معاہدوں پر دستخط کیے جائیں گے۔

اس وقت سب سے زیادہ پڑھی جانے والی خبریں