- Advertisement -

گلگت بلتستان؛ کھرمنگ میں گاڑی دریا میں گرنے سے آرمی افسر سمیت 7 افراد جاں بحق

- Advertisement -

بلتستان کے بالائی علاقے کھرمنگ میں کار دریائے سندھ میں گرنے سے آرمی آفیسر اور اہلیہ سمیت سات افراد زندگی کی بازی ہار گئے۔
دریا میں گاڑی گرنے کا افسوس ناک واقعہ گلگت بلتستان کے سب سے بڑے شہر اسکردو کے علاقے کھرمنگ میں کارگل روڈ پر حادثہ بونگ پڑی کے مقام پر پیش آیا، جس کے نتیجے میں ایک ہی خاندان کے سات افراد دریا میں ڈوب گئے۔
دریا میں ڈوبنے والے افراد میں آرمی ایوی ایشن کے پائلٹ کیپٹن حسن اور ان کی اہلیہ ڈاکٹر ثمینہ بھی شامل ہیں۔
کار دریا میں گرنے کی اطلاع ملتے ہی ریسکیو اہلکاروں نے تین افراد کی میتیں دریا سے نکال لی ہیں جب کہ چار افراد کی تلاش جاری ہیں جس میں آرمی آفیسر اور ان کی اہلیہ بھی شامل ہیں۔
ذرائع کا کہنا ہے کہ کیپٹن حسن کی شادی ایک ہفتہ قبل ہوئی تھی اور وہ اسکردو کے رہائشی تھے،ڈوبنے والوں میں صادق حسین ، روح اللہ ، بتول، یزدان اور 2 سالہ طیبہ شامل ہیں۔