پنجاب حکومت نے 12 اپریل کے بعد سینکڑوں سکول بند کرنے کا اعلان کردیا

لاہور(ویب ڈیسک) : پنجاب حکومت نے صوبہ بھر میں موجود تمام غیر رجسٹرڈ اسکولوں کو بند کرنے کا اعلان کردیا۔صوابائی وزیر تعلیم ڈاکٹر مراد راس کا کہنا تھا کہ 12 اپریل کے بعد تمام غیر رجسٹرڈ اسکول بند کر دئیے جائیں گے۔انہوں نے مالکان کو اسکول رجسٹرڈ کروانے کے لیے 60 روز کی مہلت دے دی۔تفصیلات کے مطابق پنجاب حکومت نے تعلیم کے گرتے ہوئے معیار کو مدنظر رکھتے ہوئے غیر رجسٹرڈ اسکولوں کو بند کرنے کا اعلان کردیا ہے۔

اس حوالے سے پریس کانفرنس کرتے ہوئے صوبائی وزیر تعلیم ڈاکٹر مراد راس کا کہنا تھا کہ محکمہ تعلیم نے صوبے بھر کے اسکولوں کا ڈیٹا آن لائن کر دیا ہے۔ نجی اسکولوں کو رجسٹرڈ کروانے کے لئے مالکان کو 60 دن کی مہلت دے رہے ہیں۔ غیر رجسٹرد اسکولوں کو سیل کر دیا جائے گا۔ مراد راس کا پریس کانفرنس کرتے ہوئے مزید کہنا تھا کہ پنجاب بھر کے اسکولوں میں منشیات کا بے تحاشا استعمال کیا جارہا ہے۔ روک تھام کے لئے بچوں کے بلڈ اور یورین ٹیسٹ کیے جائیں گے۔ صوبائی وزیر نے سابق وزیر تعلیم رانا مشہود پر بھی الزامات کی بوچھاڑ کردی۔ انکا کہنا تھا کہ رانا مشہود کی کرپشن کو بے نقاب کرکے انکے خلاف کارروائی کریں گے۔

اس وقت سب سے زیادہ پڑھی جانے والی خبریں