پاکستان اور ترکمانستان نے تاپی گیس لائن منصوبے کے حتمی معاہدے پر دستخط کر دیئے

پاکستان اور ترکمانستان نے تاپی گیس لائن منصوبے کے حتمی معاہدے پر منگل کے روز اسلام آباد میں دستخط کیے ہیں۔
معاہدے پر سیکرٹری پٹرولیم میاں اسد حیاء الدین اور تاپی پائپ لائن کمپنی لمیٹڈ کے چیف ایگزیکٹو نے دستخط کیے۔ وزیر پٹرولیم غلام سرور خان نے اس موقع پر اظہار خیال کرتے ہوئے تاپی گیس پائپ لائن منصوبے پر جلد اور کامیابی سے عملدرآمد کے لئے پاکستان کے عزم کا اظہار کیا۔انہوں نے امید ظاہر کی کہ اس سال پاکستان میں منصوبے کا سنگ بنیاد رکھا جائے گا۔ ترکمانستان کے وزیر خارجہ نے وفاقی وزیر کو منصوبے پر بروقت عملدرآمد یقینی بنانے کے لئے اپنی حکومت کے اقدامات سے آگاہ کیا۔
انہوں نے تاپی گیس پائپ لائن منصوبے کے بارے میں پاکستان کے مسلسل عزم اور گہری دلچسپی کا خیرمقدم کرتے ہوئے منصوبے کی بھرپور حمایت پر پاکستان کی تعریف بھی کی۔

اس وقت سب سے زیادہ پڑھی جانے والی خبریں