وزیراعظم سے ایرانی سفیر کی ملاقات، دورہ ایران اور دوطرفہ تعلقات پر تبادلہ خیال

وزیراعظم عمران‌ خان نے ایرانی سفیر سے ملاقات میں‌ دورہ ایران اور دوطرفہ تعلقات پر تبادلہ خیال کیا، عمران خان 21 اپریل کو 2 روزہ دورے پر ایران روانہ ہوں گے۔

تفصیلات کے مطابق وزیر اعظم عمران خان سے ایرانی سفیر مہدی ہنر دوست نے وزیر اعظم آفس میں ملاقات کی، جس میں وزیر اعظم کے دورہ ایران کے حوالے سے گفتگو کی گئی۔

ملاقات کے دور ان دوطرفہ تعلقات سمیت اہم امور زیر غور آئے۔

یاد رہے وزیراعظم عمران خان اتوار کو دو روزہ سرکاری دورے پر ایران جائیں گے، وزیراعظم کا ایران کا یہ پہلا دورہ ہوگا، دورے کا مقصد دونوں ملکوں کے درمیان روابط کو مزید مضبوط بنانا ہے۔

عمران خان دورے کے دوران ایرانی صدر حسن روحانی اور سپریم لیڈر سید علی خامنائی سے بھی ملاقات کریں گے جبکہ ایران میں تاجربرادری کے ارکان سے بھی ملاقات کریں گے۔

وزیراعظم یہ ایران کے صدر حسن روحانی کی دعوت پر کررہے ہیں، وہ پاکستان تہران میں دو طرفہ مذاکرات سے قبل مشہد میں مختصر قیام کریں گے۔

اس وقت سب سے زیادہ پڑھی جانے والی خبریں