پاکستانی جدید آبدوز نے بھارتی جنگی ٹیکنالوجی کو پسپا کردیا

لاہور(ویب ڈیسک) بھارتی فوج کو دفاعی میدان میں افواج پاکستان کے مقابلے میں ایک اور ناکامی کا سامنا کرنا پڑا، بھارتی فوج کے 60 جنگی جہاز ملکر بھی پاکستانی آبدوز کا پتا نہ چلا سکے، ناکامی پر بھارتی میڈیا نے اپنی ہی فوج کو آڑے ہاتھوں لے لیا۔ میڈیا رپورٹس کے مطابق پاکستان کی صرف ایک آبدوز نے بھارت کے متعدد فوجی طیاروں کے دانت کھٹے کر دیے۔
بالاکوٹ واقعے کے بعد بھارتی نیوی 21 روز پی این ایس/ایم سعد کی تلاش میں ماری ماری پھرتی رہی۔ لیکن بھارتی نیوی فوج اپنے 60 جنگی جہازوں سے ملکر بھی پاکستانی آبدوز کا پتا نہ چلا سکے۔ جبکہ بھارتی نیوی فوج کے پاس جدید ترین ریڈار، درجنوں جنگی بحری جہاز اور سیٹلائٹ ٹیکنالوجی بھی بے کار ثابت ہوئی۔
بھارتی نیوی کی ناکامی پر بھارتی میڈیا نے اپنی ہی فوج کو آڑے ہاتھوں لے لیا۔

بھارتی میڈیا کے مطابق جب بالا کوٹ واقعہ ہوا تو پاکستانی آبدوز پی این ایس/ایم سعد اعلیٰ مہارت کا مظاہرہ کرتے ہوئے بھارتی نیوی کی نظروں سے اوجھل ہوگئی۔ پاکستانی جدید ترین آبدوز کے جنگی پوزیشن لینے پر بھارت کو خطرہ پڑ گیا کہ کہیں آبدوز گجرات کے ساحل یا ممبئی میں مغربی بیڑے کے ہیڈ کوارٹرز پر حملہ نہ کر دے۔ جس پر بھارتی نیوی کے ڈر کے مارے طوطے اڑ گئے۔
بھارتی میڈیا نے ناکامی پراپنی ہی بھارتی نیوی کو آڑے ہاتھوں لے لیا۔ انہوں نے کہا کہ بھارتی نیوی فوج کے پاس جدید ترین ریڈار، درجنوں جنگی بحری جہاز اور سیٹلائٹ ٹیکنالوجی تھی۔ لیکن اس کے باجود بھی بھارتی فوج کی تمام ترکوششیں ناکام اور بے کار ثابت ہوئی۔ بھارتی فوج کواکیس روز بعد پتا چلا کہ پی این ایس سعد پاکستان کے مغربی حصے میں بھارت کیخلاف الرٹ کھڑی تھی۔ واضح رہے بھارتی فوج نے بالاکوٹ میں سرجیکل اسٹرائیک کا بھی جھوٹا ڈھونگ رچایا تھا۔ جس کا دنیا بھر کے میڈیا سے بھانڈا پھوڑ دیا تھا۔

اس وقت سب سے زیادہ پڑھی جانے والی خبریں