شہباز شریف کا مسئلہ کشمیر پر چینی اور ترک صدور کو خط

قائد حزب اختلاف شہباز شریف نے مسئلہ کشمیر پر چینی صدر شی جن پنگ اور ترک صدر رجب طیب اردوان کو خطوط لکھے ہیں۔

قومی اسمبلی میں قائد حزب اختلاف شہباز شریف نے چین کے صدر شی جن پنگ اور ترک صدر رجب طیب اردوان کا کشمیر کے مسئلے پر پاکستان کی حمایت کا شکریہ ادا کیا ہے۔ قائد حزب اختلاف شہباز شریف نے چینی اور ترک صدور کو خطوط ارسال کیئے ہیں۔ خط کے متن میں کہا گیا ہے کہ پاکستان کی حمایت پر عوام اور اپنی جماعت کی جانب سے شکرگزار ہوں مسئلہ کشمیر پر آپ کی حمایت پاکستان سے آپ کی پر خلوص اور دیرینہ دوستی کا مظہر ہے۔

شہباز شریف کی جانب سے چینی صدر کو ارسال کیئے گئے خط میں کہا گیا ہے کہ چین نے ثابت کیا ہے کہ وہ پاکستان کا قابل اعتماد دوست ہے۔ چین نے بجا طور پر اس دوستی کو آئرن برادرز کا نام دیا ہے۔ میرا پختہ یقین ہے کہ سی پیک پورے خطے میں خوشحالی کی نوید ہے۔ سی پیک کو بین الریاستی تعلقات کی کامیاب مثال کے طور پر تبدیل ہوتا دیکھنے کے آرزومند ہیں۔ ترک صدر کو بھیجے گئے خط میں کہا گیا ہے کہ مسئلہ کشمیر پر حمایت پاکستان اور ترکی کے برادرانی تعلقات کا ثبوت ہے۔

اس وقت سب سے زیادہ پڑھی جانے والی خبریں