بھارت پاکستان سے جنگ کرنے کو تیار ، اہم فیصلے کر لیے گئے پاکستان کی سرحد کے ساتھ جدید روسی ٹی 90 ٹینک بھی تعینات کیے جائیں گے

نئی دہلی (ویب ڈیسک) : بھارت نے پاکستان کے خلاف جنگ کی باقاعدہ تیاری کر لی ہے۔ تفصیلات کے مطابق بھارت نے جنگ کے باقاعدہ آغاز کا اعلان کر دیا ہے۔ بھارتی فوج کی جانب سے کولڈ اسٹارٹ ڈاکٹرائن کے تحت غیر روایتی جنگجو گروپوں کو جموں، کشمیر اور راجھستان میں تعینات کرنے کا فیصلہ کیا گیا ہے جبکہ پاکستان کی سرحد کے ساتھ جدید روسی ٹی 90 ٹینک بھی تعینات کیے جائیں گے۔

بھارتی ذرائع ابلاغ کی جانب سے بتایا گیا کہ مودی سرکار اور بھارتی عسکری قیادت نے پاکستان کے خلاف سرد جنگ کا باقاعدہ آغاز کر دیا ہے۔ سرد جنگ میں بھارتی فوج براہ راست ملوث نہیں ہوگی۔ ایسی جنگ میں بھارت کے غیر روایتی جنگجو گروپ ملوث ہوں گے۔ بھارتی حکومت اور عسکری قیادت نے ان غیر روایتی جنگجو گروپوں کو جموں کشمیر، پنجاب اور راجھستان کے سرحدی علاقوں میں تعینات کرنے کا فیصلہ کیا ہے۔

یہی نہیں ان گروپوں کو بھاری ہتھیار اور جدید روسی ٹی 90 ٹینک بھی فراہم کیے جائیں گے جس سے وہ سونپے جانے والے ٹاسک پورے کریں گے۔ یاد رہیے کہ اس سے قبل بھارتی فوج کی لائن آف کنٹرول پر غیر معمولی نقل و حرکت بھی دیکھنے میں آئی تھی۔ جس کے پیش نظر پاکستان اور بھارت میں محدود جنگ کا خدشہ ظاہر کیا جا رہا ہے۔ امکان ظاہر کیا جا رہا تھا کہ بھارت مقبوضہ کشمیر میں نسل کشی کے بڑے پلان کو لانچ کر نے کے لیے پاکستان کے ساتھ محدود جنگ چھیڑ سکتا ہے ۔

لڑائی چھیڑنے کا مقصد مقبوضہ کشمیر میں نسل کشی کے منصوبے کو کور فراہم کرنا ہو گا۔یہاں یہ بات قابل ذکر ہے کہ پاکستان نے بھارت کو کئی مرتبہ امن مذاکرات کرنے اور مسئلہ کشمیر کو حل کرنے کی پیشکش کی لیکن بھارت نے ہمیشہ ہی اپنی روایتی ہٹ دھرمی کا مظاہرہ کیا۔ حال ہی میں امریکہ کی جانب سے بھی مسئلہ کشمیر پر ثالثی کی پیشکش کی گئی لیکن بھارت نے صاف انکار کرتے ہوئے اس پیشکش کو مسترد کر دیا۔

اس وقت سب سے زیادہ پڑھی جانے والی خبریں