این ایل سی انڈیا لمیٹڈ کے پاور پلانٹ میں غفلت کے باعث دھماکہ، 6 افراد ہلاک اور 17 زخمی

بھارتی ریاست تامل ناڈو میں کے این ایل سی انڈیا لمیٹڈ کے پاور پلانٹ میں دھماکےنتیجے میں 6 افراد ہلاک اور 17 زخمی ہوگئے۔

تفصیلات کے مطابق بھارت کی ریاست تامل ناڈو میں پاور پلانٹ میں ذور دار دھماکا ہوا جس کے نتیجے میں 6 افراد جان کی بازی ہار گئے جبکہ 17 افراد زخمی ہوگئے۔ بھارت میں 2 ماہ کے دوران یہ دوسرا واقعہ ہے جس میں متعدد افراد ہلاک ہوئے۔

بھارتی میڈیا کے مطابق دھماکے میں زخمی ہونے والے افراد کی عمریں 25 سے 42 سال کے درمیان ہیں اور ان میں کنٹریکٹ پر کام کرنے والے ملازمین بھی شامل ہیں۔دھماکے میں زخمی ہونے والے 11 مزدوروں کی حالت انتہائی تشویش ناک ہے اور ان کا جسم 40 فیصد سے زیادہ جل چکا ہے۔

این ایل سی بھارت میں 6 ہزار میگاواٹ سے زائد بجلی پیدا کرنے والا پلانٹ ہے، جس میں ملازمین کی تعداد 26 ہزار ہے، جن میں کنٹریکٹ پر کام کرنے والے 14 ہزار مزدور بھی شامل ہیں۔

یاد رہے کہ بھارت کے این ایل سی پاور پلانٹ مین رواں سال یہ دوسرا دھماکا ہے، اس سے قبل رواں برس مئی میں اسی طرح کا دھماکا ہوا تھا جس میں 6 افراد ہلاک ہوئے تھے۔

اس وقت سب سے زیادہ پڑھی جانے والی خبریں
تبصرے
Loading...